أعربت الإعلامية عبلة سلامة، مقدمة برنامج “عندك وقت مع عبلة”، عن دهشتها من أخطاء قانونية شهدتها الحلقة الخامسة عشرة من مسلسل “الست موناليزا”، الذي تقوم ببطولته الفنانة مي عمر، وعُرض في النصف الأول من موسم دراما رمضان 2026.
وعلقت عبلة سلامة، عبر صفحتها بموقع التواصل الاجتماعي “فيسبوك” على الحلقة قائلة: “بصراحة في آخر حلقة من مسلسل ست موناليزا حصلت حاجة درامية قانونية نيابية محاكمية غريبة شوية”.
محاكمة مسلسل “الست موناليزا”
وتابعت عبلة سلامة: “النيابة طول الجلسة واقفة تدافع عن موناليزا.. طيب لحظة بس، النيابة أصلاً هي الجهة اللي بتوجه الاتهام، يعني عادةً بتتهم الناس اللي واقفة في القفص مش بتدافع عنهم.. طيب لما النيابة في خطبة كلها دفاع عن الست.. فين التهمة ومين وليه؟”.
وأضافت: “حاجة تانية.. كلهم لابسين أبيض، اللبس الأبيض ده بيبقى للمحبوسين احتياطياً لما يدخلوا السجن على ذمة التحقيق، إنما دول أصلاً ما اتحبسوش ولا صدر ضدهم حكم”.
وأوضحت: “أيوة المتهم لازم يحضر الجلسة في القفص.. دي صح، بس القفص واللبس الأبيض مع بعض كده من غير حبس احتياطي؟ يبقى إحنا دخلنا في نوع جديد من الإجراءات القضائية، وأخيراً نفسي أشوف محاكمة القاضي بيحكم فيها علطول كده”.
وفي ختام تعليقها كتبت عبلة سلامة: “يا جماعة التفاصيل الصغيرة دي مهمة في الدراما.. طب نستشير قانوني طيب.. خلّونا ناخد بالنا شوية. ملحوظة: علشان ما تدخلش لجان تبع أي حد، أنا تابعت المسلسل وعاجب كل الناس وناجح وبتشوفه، ولا أقصد أبداً الإساءة لأي أحد.. أنا ماليش في الجو ده”.
أحكام البراءة والسجن في مسلسل “الست موناليزا”
وشهدت آخر حلقات مسلسل “الست موناليزا” صدور عدة أحكام، منها الحكم بالبراءة لصالح “موناليزا” الشخصية التي قدمتها الفنانة مي عمر، في حين تمت معاقبة كل من “حسن- أحمد مجدي”، و”سميحة- سوسن بدر”، و”عفاف- وفاء عامر”، و”أدهم- حازم إيهاب” بالسجن.
يُذكر أن مسلسل “الست موناليزا” مستوحى من أحداث حقيقية، وشارك في بطولته: محمد محمود، وسلوى محمد علي، وإنجي المقدم، وشيماء سيف. العمل من تأليف محمد السيد بشير، وإخراج محمد علي.
إقرأ ايضا
براءة مي عمر وسجن أحمد مجدي وحازم إيهاب في الحلقة الأخيرة من مسلسل الست موناليزا
خالد الكمار لـ”مصراوي”: استعنا بـ”الحب اللي كان” في مسلسل “كان ياما كان” لهذا السبب
تعليقات